Menu Close

ဆက္ဆံေရးေကာင္းသူေတြရဲ႕ လ်ွိ႕ဝွက္ခ်က္ ၈ ခု

8 Secrets Of Good Communicators

ဆက်ဆံရေးကောင်းသူတွေရဲ့ လျှိ့ဝှက်ချက် ၈ ခု

၂၁ ရာစု (သို့) ICT (Information, Communication & Technology) ခေတ်မှာ ပြောဆိုဆက်ဆံရေး(communication) ဟာ အလွန်ကို အရေးပါလာပါတယ်။ Communication Skills ကောင်းခြင်းဟာ ကျောင်းတွေမှာ presentation လုပ်တဲ့နေရာမှာသော်လည်းကောင်း၊ အလုပ် အင်တာဗျူး(interview) တွေမှာသော်လည်းကောင်း၊ ပြဿနာတစ်ခုကို ကိုင်တွယ်ဖြေရှင်းတဲ့ နေရာမှာသော်လည်းကောင်း သင့်အတွက် များစွာ အထောက်အကူပြုနိုင်ပါတယ်။ အခြားကောင်းကျိုးတွေလည်း အများကြီး ရှိပါသေးတယ်။ သတင်းကောင်းတစ်ခုကတော့ သင့်ရဲ့ communication skills ကို တိုးတက်အောင် ကူညီပေးနိုင်တဲ့ နည်းလမ်းတွေ ရှိနေပါတယ်။ ထိုနည်းလမ်းတွေကိုသာ သင် အမှန်တကယ် လိုက်နာ၊ ကျင့်သုံးမယ်ဆိုရင် အခွင့်အရေးရတဲ့အခါတိုင်း သင့်အပေါ်သင် ယုံကြည်မှုရှိရှိနဲ့ ပြောဆိုဆက်ဆံနိုင်လာမှာပဲ ဖြစ်ပါတယ်။ ထို နည်းလမ်းတွေနဲ့ ရှင်းလင်းချက်တွေကို ကျွန်တော်တို့ Motivsuccess က အောက်မှာ တစ်ချက်ချင်းစီ ဖော်ပြပေးထားပါတယ်။

ပြောဆိုဆက်ဆံရေး(communication) ဆိုတာဘာလဲ?

တကယ်တော့ communication ဆိုတာ ပေးပို့သူ(ပြောဆိုသူ)နဲ့ လက်ခံသူ(နားထောင်သူ) ကြားမှာဖြစ်ပေါ်တဲ့ စကား (သို့) အချက်အလက်တစ်ခုခုကို ပို့ဆောင်ပေးတဲ့ လုပ်ငန်းစဉ်ပဲဖြစ်ပါတယ်။ Communication ကို စကားပြောခြင်းနဲ့ လုပ်ဆောင်နိုင်သလို ကိုယ် လက်အမူအရာ၊ စာအရေးအသားတို့နဲ့လည်း လုပ်ဆောင်နိုင်ပါတယ်။

၁။ သင့်ရဲ့ ထင်မြင်ချက်တွေကို ပြောဖို့ မကြောက်ပါနဲ့

သင့်ထက်တော်တယ်လို့ထင်ရသူတွေ ပါဝင်တဲ့ စကားဝိုင်းတစ်ခုမှာ သင်ရောက်နေမယ်ဆိုရင် များသောအားဖြင့် သင်ဟာ သင့်ရဲ့ထင်မြင်ချက်တွေကို မပြောပြပဲ နှုတ်ပိတ်နေနိုင်ပါတယ်။ တကယ်ဆိုရင် စကားဝိုင်းမှာရှိတဲ့ လူတိုင်းမှာ မိမိထင်မြင်ချက်ကို ဝင်ရောက်ဆွေးနွေးပိုင်ခွင့်ရှိတဲ့အတွက် ဒီအခွင့်အရေးကို လက်လွတ်မခံသင့်ပါဘူး။ သင့်အပေါ်သင် ယုံကြည်မှုရှိပါ။ သင်ပြောတာ မှားသွားမှာကို မကြောက်ပါနဲ့။ သင်ပြောလိုက်တဲ့ စကားဟာ သူတို့အတွက် အသုံးမဝင်ဘူးလို့ တွေးမိနိုင်ပါတယ်။ ဒါပေမယ့် တစ်ခါတစ်လေ သင့်ရဲ့ ထင်မြင်ယူဆချက်ဟာ သူတို့ရှာဖွေနေတဲ့ တစ်ခုတည်းသော ဖြေရှင်းချက်လည်းဖြစ်နိုင်ပါတယ်။

၂။ မျက်လုံးကို ကြည့်ပြီးပြောပါ (သို့) နားထောင်ပါ (Eye Contact)

စကားပြောနေတဲ့အချိန်ဖြစ်ဖြစ်၊ နားထောင်နေတဲ့အချိန်ပဲဖြစ်ဖြစ် သင်နဲ့ Communicate လုပ်နေသူရဲ့ မျက်လုံးကို ကြည့်နေသင့်ပါတယ်။ သင်က နားထောင်သူရဲ့မျက်လုံးတွေကိုကြည့်ပြီး စကားပြောနေမယ်ဆိုရင် သူကလည်း သင် အတည်ပြောနေတာဆိုပြီး သေသေချာချာ နားထောင်မှာဖြစ်ပါတယ်။ ဒီလိုပဲ တခြားသူတစ်ယောက်ယောက် စကားပြောနေတဲ့အချိန် သင်က သူ့မျက်လုံးတွေကိုသေသေချာချာကြည့်ပြီး နားထောင်နေမယ်ဆိုရင် သင်တကယ်စိတ်ဝင်တစား နားထောင်နေတာကို သူသိတဲ့အတွက် ပြောသူနဲ့ နားထောင်သူကြား ပိုပြီးအချိတ်အဆက်မိမှာဖြစ်ပါတယ်။ Communicate လုပ်တဲ့အခါ Eye Contact သာရှိနေမယ်ဆိုရင် သေချာတာက ဒီစကားဝိုင်းမှာ သင် စိတ်ပါဝင်စားမှု ရှိ၊ မရှိကို သိနိင်သလို ပြောနေသူတွေကို လေးစားမှု ရှိ၊ မရှိကိုလည်း သိနိုင်ပါတယ်။ (လူအများရှေ့မှာ စကားပြောတဲ့အခါ နားထောင်နေသူတွေအားလုံးကို ကြည့်ဖြစ်အောင်ကြိုးစားပါ၊ တစ်ယောက်တည်းကို စိုက်မကြည့်မိပါစေနဲ့။)

Related Post :  ဘဝမွာ ေအာင္ျမင္လိုသူေတြအတြက္ လက္ေဆာင္စကား ၁၀ ခြန္း

၃။ စကားကို ရှင်းရှင်းလင်းလင်းပြောပါ

စကားပြောတဲ့အခါ ပြတ်ပြတ်သားသားနဲ့ ရှင်းရှင်းလင်းလင်းပြောနိုင်အောင် လေ့ကျင့်ပါ။ သင်ပြောလိုက်တဲ့စကားကို တခြားသူတွေနားမလည်လို့ သင့်ကို ပြန်ပြောဖို့ တောင်းဆိုတဲ့အချိန်တွေရှိနိုင်ပါတယ်။ အဲ့လိုအချိန်မျိုးမှာ စကားကို ပိုမိုရှင်းလင်းအောင်၊ သူများနားလည်ရလွယ်ကူအောင် ပြန်ပြောပေးပါ။ တခြားသူတွေဒီလိုဖြစ်နေရင်လည်း သူတို့ကို သင် ပြန်ပြီး အကြံပြုနိုင်ပါတယ်။

။ အသံ အနေအထားကို ဂရုစိုက်ပါ

စကားကို မလိုအပ်ပဲ မြန်မြန်မပြောမိပါစေနဲ့။ အရမ်းကြီး မနှေးဖို့ကိုလည်း သိထားသင့်ပါတယ်။ ထို့အတူ အသံကို မလိုအပ်ပဲ ကျယ်ကျယ် မပြောမိဖို့ကိုလည်း သတိထားသင့်ပါတယ်။ စကားပြောတဲ့အခါ အသံအနိမ့်၊ အမြင့်ကို ကောင်းကောင်းအသုံးချတတ်ဖို့လည်း အရေးကြီးပါတယ်။

၅။ ကိုယ်ဟန်အမူအရာကို အသုံးပြုပါ (Gestures)

အကြောင်းအရာတစ်ခုကို ရှင်းပြတဲ့အခါ (သို့) ပြောပြတဲ့အခါ ကိုယ်ဟန် အမူအရာကို အသုံးပြုပါ။ Gestures ကိုအသုံးမပြုပဲ စကားသီးသန့်ပြောနေမယ်ဆိုရင်လည်း သိပ်အဆင်မပြေပါဘူး။ ကျောက်ရုပ်ကြီးထဲမှာ Sound box ထည့်ပြီးဖွင့်ထားသလို ဖြစ်နေပါလိမ့်မယ်။ စကားပြောတဲ့အခါ ကိုယ်ဟန် အမူအရာကိုအသုံးပြုပြီးပြောရင် သင့်အပေါ် လူတွေ စိတ်ဝင်စားမှု ပိုတိုးလာမှာဖြစ်ပါတယ်။ သင်ပြောလိုက်တဲ့စကား၊ သုံးလိုက်တဲ့ ကိုယ်ဟန်အမူအရာ၊ မျက်နှာအနေအထားနဲ့ အသံအနိမ့်အမြင့်တွေ ကိုက်ညီမှုရှိဖို့တော့ လိုအပ်ပါတယ်။

၆။ ကိုယ်ဟန် အနေအထား (Postures)

တကယ်တမ်း လူတွေနဲ့ဆက်ဆံလာရတဲ့အခါ သင့်ရဲ့ ကိုယ်နေဟန်ထားကလည်း တော်တော်အရေးပါပါတယ်။

Related Post :  "သင့္အနာဂတ္အတြက္ ေဆာင္ထားသင့္တဲ့ P ေလးလံုး"

ပေါ့ပေါ့ပါးပါး ကိုယ်နေဟန်ထားရှိတဲ့သူတွေကို များသောအားဖြင့် ဆက်ဆံရေးကောင်းသူတွေအဖြစ် သတ်မှတ်နိုင်ပါတယ်။ ပြောစရာရှိရင် (သို့) မေးစရာတစ်ခုခုရှိရင် ဒီလိုလူတွေကို အလွယ်တကူ communicate လုပ်နိုင်ပါတယ်။

လက်ပိုက်ပြီး ရပ်နေရင် အဲ့ဒီလို ကိုယ်ဟန်အနေအထားရှိတဲ့လူကို ယေဘုယျအားဖြင့် တခြားသူတွေနဲ့ လိုလိုလားလား communicate မလုပ်ချင်တဲ့သူအဖြစ် သတ်မှတ်ပါတယ်။

ကိုယ်ဟန်အနေအထားနဲ့ပတ်သက်ပြီး ပြောမယ်ဆိုရင်တော့ ပြောလို့တောင်ကုန်မယ်မထင်ပါဘူး။

၇။ အပြုသဘောဆောင်ပါ

လူတစ်ယောက်နဲ့ တစ်ယောက် ပြောဆိုဆက်ဆံတဲ့အခါ စိတ်နေစိတ်ထားကလည်း အခရာကျပါတယ်။ ဒါ့ကြောင့် အခြားသူတွေနဲ့ ဆက်ဆံတဲ့အခါ ရိုးသားမှုရှိပါ၊ စိတ်ရှည်ရှည်ထားပါ၊ အကောင်းမြင်စိတ်မွေးပါ၊ လေးစားမှုရှိပါ။ သူတို့ရဲ့စိတ်ခံစားချက်ကို လက်ခံ၊ နားလည်နိုင်အောင်ကြိုးစားဖို့ လိုအပ်သေးသလို သူတို့ရဲ့ စွမ်းဆောင်ရည်တွေကို ယုံကြည်၊ လက်ခံဖို့လည်း ကြိုးစားသင့်ပါတယ်။

၈။ နားထောင်မှုစွမ်းရည်ကို မြှင့်တင်ပါ (Listening Skills)

ဆက်ဆံရေးကောင်းသူတစ်ယောက်ဖြစ်ဖို့ စကားပြောကောင်းရုံနဲ့လည်း မလုံလောက်သေးပါဘူး။ တစ်ဖက်လူပြောတဲ့စကားကို သေသေချာချာနားထောင်ပြီး စကားဝိုင်းကို အချိတ်အဆက်မိမိဖြစ်အောင် ဆောင်ရွက်နိုင်ဖို့လည်း လိုအပ်ပါသေးတယ်။ တချို့လူတွေရှိပါတယ်။ သူများပြောတာကိုပြီးအောင်စောင့်တယ်။ စကားပြတ်တာနဲ့ ကိုယ်ပြောချင်တဲ့အကြောင်းကို အငမ်းမရပြောတော့တာပဲ။ သင်လည်း ဒီလိုလုပ်နေမယ်ဆိုရင် ဒါဟာ သင်နဲ့စကားပြောသူအတွက် ကောင်းကျိုးမရှိသလို သင့်အတွက်လည်း ကောင်းလာမှာမဟုတ်ပါဘူး။ ဒီလိုအကျင့်မျိုးရှိနေရင်တော့ အမြန်ဆုံးဖျောက်ပစ်ဖို့ တိုက်တွန်းချင်ပါတယ်။ တခြားသူပြောနေတဲ့အချိန် သေသေချာချာ အာရုံစိုက်ပြီးနားထောင်ပါ။ သူပြောတဲ့ အကြောင်းအရာကို ဆွေးနွေးပါ။ မေးခွန်းတွေလည်းမေးနိုင်ပါတယ်။ သင်သာ ဒီလိုလုပ်လိုက်ရင် သင့်အလှည့်ကျတဲ့အခါလည်း သူတို့ သင်ပြောတာကို စိတ်ဝင်တစား နားထောင်ပါလိမ့်မယ်။

အပေါ်မှာ ဖော်ပြခဲ့တာတွေကတော့ ဆက်ဆံရေးကောင်းသူတစ်ယောက်ဖြစ်လာဖို့ လိုအပ်တဲ့ နည်းလမ်း ၈ ခုပဲဖြစ်ပါတယ်။ ဒီဆောင်းပါဟာ သူငယ်ချင်းအတွက် အသုံးဝင်မယ်လို့ မျှော်လင့်ပါတယ်။ နောက်လည်း ဒီ Facebook Page ပေါ်မှာ သင့်အတွက် အကျိုးရှိမယ့် ဆောင်းပါလေးတွေ ရေးသားတင်ပြပါအုံးမယ်။ အကြံပေး၊ ဆွေးနွေးချင်တာရှိရင်လည်း Comment (or) Chat Box မှလာရောက်ဆွေးနွေးနိုင်ပါတယ်။ နောက်တင်မယ့်ပို့စ်တွေကို လက်မလွတ်ဖို့ Like & Follow လေးလုပ်ထားနိုင်ပါတယ်။ ဒီ Page ကိုကူညီပံ့ပိုးပေးချင်ရင်တော့ See First လေးလုပ်ထားပေးပြီး၊ ပို့စ်ကိုလည်း Share နိုင်ပါတယ်။အဆုံးအထိဖတ်ပေးလို့ ကျေးဇူးအများကြီးတင်ပါတယ်။

 

Related Posts